Latest Updates

அரச படிவங்கள் மும்மொழியிலும்; மொழிபெயர்க்கும் பணிகள் ஆரம்பம்..!

Related image
அரச படிவங்கள் மும்மொழியிலும்; மொழிபெயர்க்கும் பணிகள் ஆரம்பம்..!

பொதுமக்களின் தேவைகளுக்காக பயன்படுத்தப்படும் அரசாங்க படிவங்களை மும்மொழிகளிலும் மொழிபெயர்க்கும் பணிகள் ஆரம்பிக்கப்பட்டுள்ளன.

தேசிய நல்லிணக்கம், கலந்துரையாடல் மற்றும் அரச கரும மொழிகள் அமைச்சர் மனோ கணேசன் தலைமையில் இந்த பணிகள் நேற்று அமைச்சில் ஆரம்பிக்கப்பட்டது.

அங்கு உரையாற்றிய அமைச்சர் மனோகணேசன்,
“இது குறித்து அறிவுறுத்தல் வழங்கப்பட்ட போதிலும் மும்மொழிகளிலும் அரசாங்க படிவங்கள் இடம்பெறவில்லை. விசேடமாக தமிழ்மொழிக்கு உரிய இடம் வழங்கப்படுவதில்லை என்பதும் கண்டறியப்பட்டது.

எனவே எந்தவொரு அரசாங்க அதிகாரியும் மொழிச்சட்டம் தனக்கு தெரியாது என்று தட்டிக்களிக்க முடியாது என்று அமைச்சர் சுட்டிக்காட்டினார்.

தெற்கு பிரதேசத்தில் அனைத்து அரசாங்க படிவங்களும் சிங்கள மொழிகளிலேயே இருக்கின்றன. இது தவறானது மட்டுமன்றி சட்ட விதிமுறைகளுக்கு முரணானது. இதே போன்று வடக்கு, கிழக்கு மாகாணசபை சார்ந்த பகுதிகளிலும் தமிழ் மொழியில் மாத்திரமே படிவங்கள் இருக்கின்றது. இதுவும் சட்டவிதிகளுக்கு முரண்பட்டதாகும்.

நாடு முழுவதும் சிங்களமும், தமிழும் அரச கரும மொழிகள் ஆகும். ஆங்கில மொழி இணைமொழி. தேசிய பிரச்சினைக்கு அதிகாரப்பகிர்வு அவசியம் என்பதில் எந்தவித மாற்றமும் இல்லை. அதேவேளை, மொழிக்கொள்கையை முறையாக நடைமுறைப்படுத்தினால் தேசிய பிரச்சினையில் நூற்றில் 50க்கு மேற்பட்ட தீர்வு காணப்படும் என்று குறிப்பிட்டார்.

நாட்டின் எந்தப்பகுதியிலாவது அரச படிவங்கள் வெறுமனே சிங்கள மொழியில் இருக்குமாயின் அது குறித்து தனது கவனத்திற்கு கொண்டுவருமாறு அமைச்சர் மனோ கணேசன் மேலும் தெரிவித்துள்ளார்.

Source: Daily Ceylon