Latest Updates

மூலக்கூறுகளை படமாக்கியதற்காக மூவருக்கு வேதியியல் நோபல் பரிசு..!

க்ரையோ - எலக்ட்ரான் நுண்ணோக்கி மூலம் எடுக்கப்பட்ட புகைப்படம்

உயிரியல் மூலக்கூறுகளின் படங்களை மேம்படுத்திய மூன்று விஞ்ஞானிகளுக்கு 2017 ஆம் ஆண்டின் வேதியியலுக்கான நோபல் பரிசு வழங்கப்பட்டுள்ளது.

சாக் டியூபோஷே, ஜோவாஷிம் ஃபிராங்க், ரிச்சர்ட் ஹெண்டர்சன் ஆகியோர், 8,31,000 பவுண்டு பரிசு தொகையை பகிர்ந்துகொள்வார்கள்.

ஸ்வீடன் நாட்டின், ஸ்டாக்ஹோம் நகரில் நடந்த செய்தியாளர் சந்திப்பில் அவர்களின் பெயர்கள் வெளியிடப்பட்டன.

உயிர்ப் பொறியமைவைக் குறித்து சுலபமாக அறிந்துகொள்ள, இவர்கள் க்ரையோ - எலக்ட்ரான் நுண்ணோக்கி முறையை உருவாக்கியுள்ளனர்.
இந்த முறை, உயிர் மூலக்கூற்று கட்டமைப்புகள், நகரும் சூழலின் இடையே, அதை படமெடுக்கிறது. இதன் மூலம், இதுவரை கண்டிறாத வகையில், விஞ்ஞானிகளால், இதை உருவகப்படுத்த முடிகிறது.

பேராசிரியர் டியூபோஷே, ஸ்விசர்லாந்தில் பிறந்தவர், யோவாஹிம் ஃபிராங்க் ஜெர்மனியை சேர்ந்தவர், ரிச்சர்ட் ஹெண்டர்சன் இங்கிலாந்தின், எடின்பர்க் பகுதியை சேர்ந்தவர்.

செய்தியாளர்களிடம் தொலைபேசி மூலம் பேசிய பேராசிரியர் ஃபிராங்க் , இந்த தொழில்நுட்பத்தின் பயன்பாடு என்பது `அளவில்லாதது` என்றார்.
மேலும், நோபல் குழு, இந்த பணி, `உயிர் வேதியலை புதிய சகாப்தத்திற்கு நகர்த்தி உள்ளது ` என்று தெரிவித்துள்ளது.

கமிட்டி தலைவர் சாரா ஸ்னோகெரூப் லின்ஸே கூறுகையில், `இனிமேல் ரகசியங்கள் எதுவும் இருக்காது. நம் உடலின் எந்த பாகத்திலும் உள்ள எந்த மூலையிலும், உடல்திரவங்களில் உள்ள மூலக்கூறுகளின் சிக்கலான விவரங்களை கூட தற்போது பார்க்க முடியும்` என்றார்.

`நம்மால் அவை எப்படி கட்டமைக்கப்பட்டது, எவ்வாறு இயங்குகிறது, எவ்வாறு ஒரு பெரிய சமூகமாகப் பணி செய்கிறது என புரிந்துகொள்ள முடியும். நாம் உயிர் வேதியியலின் புரட்சியைப் பார்க்கிறோம்`.

செல்களை தாக்கும் சால்மோனெல்லாவின் ஊசி, ஆண்டிபயோட்டிக் வீரியம் குறைவதில் புரதங்களின் பங்கு, சர்காடியன் ஒத்திசைவைத் தீர்மானிக்கும் மூலக்கூறுகளின் வடிவமைப்பு உள்ளிட்டவை இந்த ஆண்டின் மருத்துவம் மற்றும் உடற்கூறியல் நோபல் பரிசுகளுக்கான தலைப்புகள் ஆகும்.

பிரேசிலில் பிறக்கும் குழந்தைகள் சிறிய தலைகளுடன் பிறக்கும் குறைபாட்டிற்கான காரணம், சிகா வைரஸாக இருக்கலாம் என ஆராய்ச்சியாளர்கள் சந்தேகப்பட துவங்கிய நிலையில், அந்த வைரஸை, க்ரையோ - எலக்ட்ரான் நுண்ணோக்கி மூலமாகவே உருவகப்படுத்தினர்.

மேலும் வாசிக்க இங்கே அழுத்துங்கள்

Source : BBC Tamil